特備節目《獎門人感謝祭終極篇》今晚（5 月 12 日）8 點在翡翠台播映，今集是本季《獎門人》最後一集，獎門人曾志偉率領歷屆獎老大晒冷，包括錢嘉樂、林曉峰、阮兆祥、金剛、麥美恩、林秀怡和林正峰。
嘉賓人強馬壯
嘉賓陣容同樣鼎盛，有「獎門人身體健康」隊的苗僑偉、葉子楣、謝天華、黃翠如、陳山聰、洪天明、朱晨麗和梁競徽，「中年好聲音 2」隊的古淖文、譚輝智、顏米羔、陳俞霏、林若盈、陳蒨葶和王玥，以及「福祿壽訓練學院」隊的王祖藍、李思捷、陳懿德、郭珮文、林妍、陶大衛、彭建豪、趙頌宜、伍韻婷、林樂熙、莫家淦、黃建東、周百恩、陳柏曦、鄭詠謙、湯卓堅、趙亮昭、吳兆麟、劉倬昕、麥嘉欣、蔡景行、黃潤成、馮彥中、梁山山、關嘉敏、郭浩皇和葉泓聲。
今集節目優惠多多，除有大量感謝祭貨品於晚上 9 點半節目播出後在網購平台「鄰住買」開售外，觀眾於收看節目期間只要嘟一嘟螢幕上的 QR Code，便有機會搶到 10 萬封現金利是！
今季最後一次 Super～
「獎門人身體健康」隊有（左起）陳山聰、謝天華、葉子楣、苗僑偉、黃翠明、洪天明、梁競徽、朱晨麗。
最強 Body 葉子楣
今集嘉賓人數眾多，現場氣氛十分熱鬧，早年已坐擁「最強 Body」銜頭的子楣姐，原來是首度參與《獎門人》。她甫出場即向大家撒嬌：「今晚好開心，我係第一次嚟獎門人，大家真係要手下留情！」
首個遊戲「開心無敵啜乒乓」笑料十足，處女下海的子楣在啜乒乓波時忘情伸脷，十分落力。同樣有「最強 Body」之稱的郭珮文則貫徹天然呆本色，歎慢板慢動作啜乒乓，樣子搞笑。之後上演１對１對決，以 PE 衫亮相的郭珮文打頭陣率先上場，一眾男嘉賓即踴躍爭住出戰，三哥苗僑偉搞笑地說：「呢啲梗係等隊長嚟啦！」相反輪到陳懿德上場時，大家卻一面嫌棄。到子楣姐上陣時，與她對啜的祖藍開心搞笑謂：「子楣姐，我等咗 40 幾年呀，就係等呢一刻！」
首度上《獎門人》的葉子楣叫大家對佢手下留情。
至墟冚爭櫈仔
「開心無敵私人醒」中，負傷上陣的翠如 BB 搶盡焦點，其中一個題目「心儀對象做啲咩你會完全冇 feel」，翠如 BB 挑戰道德底線接連說出：「推阿婆落山」、「推阿公落山」和「推阿妹落山」，看不過眼的祖藍說：「你究竟係跌親隻腳定跌親個腦呢？」笑爆全場。
今集的「開心無敵爭櫈仔」堪稱《獎門人》史上最強，40 多人一同上陣爭櫈仔，首個回合大家已經玩到人疊人，場面非常墟冚。之後「獎金獵人」洪天明與陳蒨葶上演 1 對 1 決戰，人仔細細的蒨葶表現異常兇狠，獎門人都不禁說：「天明會輸㗎，佢（蒨葶）好鬼狼！」最終戰果又是如何？
「開心無敵開口中」戰況同樣激烈，一眾嘉賓玩到齊齊變 Cream 人，天明仔仔亦有落場玩埋一份，更大膽向獎門人掟 Cream！
《獎門人》史上最大規模爭櫈仔。
感性感激獎門人
來到本季最後一集尾聲，獎門人與一眾獎老齊齊分享感受，獎門人說：「呢 29 年好多謝大家一直支持我哋。」感性的麥美恩爆喊說：「好多謝獎門人，《獎門人》係影響咗全球華人，我都係其中一個，好多謝可以畀我參與呢個節目。」曾為獎老之一的祖藍亦感性地感激獎門人：「勾起咗好多回憶，記得當初我嚟到《獎門人》時，我係完全唔識講嘢，獎門人當時係特登度咗形體題畀我，畀我一步一步進入呢個節目，好多謝獎門人。」
獎門人感激大家 29 年來的支持，祖藍感激獎門人提攜。
麥美恩爆喊感恩有份參與《獎門人》。