陳楨怡（Celina）日前為柬埔寨金邊一間酒店周年活動登台，同場還有曹永廉、李施嬅同趙永洪。 Celina 身穿純白貼身短裙，展示白滑背脊及大騷長腿，以最佳狀態為她第一次出海外工作、做司儀及獻唱，將三個第一次奉獻給柬埔寨。
（左起）曹永廉、李施嬅、陳楨怡及趙永洪到柬埔寨登台。
首次擔任司儀兼唱歌的 Celina 綵排時比較緊張，幸好有兩位前輩曹永廉同趙永洪指導及鼓勵，阿廉還將新買的耳機借給 Celina，讓她在台上清楚聽到後台導演臨場指示，讓 Celina 演出順利。 Celina Show 後興奮地說：「今次真係好開心，係一個好好嘅經驗。第一次做司儀，第一次唱歌，好多謝台下每位觀眾，氣氛好好，希望之後繼續多啲有機會出 Trip 演出。」
穿上靚靚晚裝的 Celina 首次到外地登台。
台下觀眾反應好好，令 Celina 十分享受舞台。
Celina 感謝一班前輩的幫忙。
完 Show 翌日，酒店安排車帶 Celina 同團隊出外遊覽景點，欣賞當地的風景。雖然當日氣溫高達 40 度，作無阻 Celina 落車打卡。「第一次嚟柬埔寨，一開始有啲擔心。之係知道有好多藝人歌手嚟過，逐漸放心，加上酒店出入口都設有安檢，所以非常之安全。裡面有好多地方行，又有個靚泳池，仲有好多好好食嘅餐廳。佢哋嘅建築物好靚，好想下次再嚟。」
工作完畢，Celina 爭取時間，遊覽柬埔寨景點。