「旅遊孖寶」黃翠如與洪永城（Tony）相隔 7 年，再次重聚拍攝全新節目《走過歷史大地》，與攝製隊走訪英國、法國、埃及等地，並於早前開展一個月的外景拍攝。二人表示現在做了父母，所以也不會似以前拍節目般成日頂嘴，而是會相親相愛，十分 warm 。
同老公囝囝視像見面
二人現在事事以仔女為先，翠如坦言今次是囝囝「蕭哈哈」出世以來，離港工作最長一次，十分不捨得。 Tony 同樣將兩個寶貝女放在中心，亦希望與翠如拍好節目畀仔女睇。出發後，翠如的自己社交平台除了有她與拍檔 Tony 在外地拍攝花絮相，亦有將自己與老公蕭正楠及囝囝視像見面時的圖片上載。從圖片中可見翠如十分掛住家中的「兩個寶」，掛到扁晒嘴。阿蕭亦有留言說：「原來一日二十四小時係咁長」，翠如回應老公的留言，亦叫他與囝囝等她回家，十分痴纏。
翠如阿蕭齊搵奶粉錢
早前，阿蕭及翠如為健康食品品牌拍攝全新廣告，分享了不少為人父母後的改變，他們分別拍了兩段廣告片，過程中乘機放閃，真情流露甜蜜互動。今次夫妻檔合體搵奶粉錢，翠如透露過程很有趣：「客戶好放手俾我哋用返自己嘅默契去演繹，所以大家睇條片其實好多都係一 shot 落，過程好好玩，因為我哋而家身分轉換咗，好多時候習慣咗做爸爸媽媽，今次可以喺片裏面得返我哋兩個，算係一次小拍拖。」
囝囝開始懂性極痴身
此外，阿蕭與翠如每次要去開工都很掛念兒子，阿蕭透露剛在上月滿一歲的兒子已開始懂性，知道父母出門會很失落。「而家仔仔知道我哋有時走咗去開工，佢會唔開心。有幾次同翠如一齊出咗去做嘢，走嗰時冇嘢，走咗之後，我哋聽到佢突然爆喊，跟住就指住個門口，意思係『點解走咗呀』，我哋真係好好好好唔捨得呀！同埋有時真係可能我哋出咗去做嘢，佢望見我嘅視頻，突然間係會笑得好 high 囉，同埋揸住我啲相喺度『爸爸、爸爸』，sweet 到爆炸，搞到依家除咗真係必要嘅工作，盡可能都唔希望喺出面做過夜。」
