【娛樂熱話】《女神配對計劃 2》俞可程大晒童年相竟與方智弘撞樣

本周日（10 月 11 日）播出的第六集《女神配對計劃 2》中，重頭戲將是 Amber 的「甜品飯腳」角力戰，及五位女神與通關勇者的單對單甜品時間，今日官方發布了其中兩位女神俞可程（Kanis）及郭珮文（Juliana）的甜品單獨約會詳情。

Oscar 公開萌爆流口水 BB 相
原來 Kanis 之所以對求愛勇者方智弘（Oscar）撳燈，完全是因對他的「冷氣」工作感到好奇，Oscar 亦會大方公開他的「冷氣男神之路」。「一開始我係中學嘅時候做（整冷氣）part time，嗰時係日薪，做到咁上下老細就叫我自己（做），我就同朋友開咗間公司去接（單）。」
除了「談心」，二人還「交換照片」。為了與 Oscar 加深了解，Kanis 專誠預備了一本「成長相簿」開心 Share，當翻開童年照時，Oscar 即驚呼：「你同我細個咁似樣嘅，我可能會覺得係我嚟嘅？！」此舉令 Kanis「粉紅氣泡」攻頂，她事後開心謂：「我心諗係咪真㗎，之前同佢傾偈已經覺得有好多相似嘅地方，依家連個樣你都話相似？」正所謂「有圖有真相」，Oscar 還向 Kanis 公開了「肥肥白白」+「流口水」BB 相，並笑言：「由細到大都畀人話似女仔」，氹到 Kanis 開心指著照片：「好得意呀！」

郭珮文親手烘焙芝士蛋糕
至於 Juliana 與求愛勇者伍頌曦（Preston）的甜品單獨約會亦同樣甜到漏，除了 Preston 主動提議餵阿 Ju 食拿破崙，阿 Ju 還預備了親手烘焙的芝士蛋糕予 Preston 品嚐，驚喜到眼都凸埋的 Preston 自然由頭甜到落腳，一面讚歎地給予阿 Ju 100 分之餘，還對阿 Ju 好感直線飆升。「我好心動，從來冇見過佢有煮嘢食」、「我覺得整嘢食唔係淨係睇佢好唔好食，都要睇嗰個人有冇心」、「佢焗畀我嘅芝士蛋糕，係我食過最好食嘅芝士蛋糕」。
令人驚嘆的是，阿 Ju 除了入得廚房、亦出得廳堂，雖然阿 Ju 平時予人感覺「呆大姐」，但
私下的她卻相當賢慧兼愛照顧人，拿手家務包括清潔、 Laundry（洗衫）及洗碗，與 Mandy
一樣是「鐘點女神」，難怪 Ice 之前對她讚不絕口。除了心動食 cake Moment，Preston 與 Ju
還交換了大量資訊，從而開心發現二人極多共同嗜好，心動指數爆升的 Preston 更主動開口
追問 Ju 如何看待現時與前度 Ice 的關係！欲知更多詳情，密切留意新一集《女神 2》。