【娛樂熱話】《女神配對計劃 2》三位大隻勇者鬥晒肌公主抱陳若思全場失控

本周日（10 月 11 日）播出的第六集《女神配對計劃 2》中，五位女神何沛珈（Roxanne）、阮嘉敏（Mandy）、陳若思（Amber）、俞可程（Kanis）及郭珮文（Juliana）與 16 位求愛勇者繼續進行五角枱淘汰環節！

新一集的重頭戲，將是 Amber 的「甜品飯腳」角力戰，及五位女神與通關勇者的單對單甜品時間。 Amber 的甜品闖關遊戲為「大隻」，玩法是三位闖關勇者需合力「公主抱」Amber「繞場一周」，並在 Amber 耳邊鬥講情深說話。為了爭取闖關名額，吳兆麟（Alan）與李韋標（丁標）這對宿敵爭埋同一張櫈仔，結果 Alan 輕易取勝，二人事後更一抱抿恩仇，十分大方。另外兩位獲得闖關名額的還有林子朗與關經翰（Oswald），無獨有偶，三人都是「大隻仔」，為了炒熱氣氛，阿 Bob 踢爆 Amber 對「隔肋底以下嘅肌肉」情有獨鍾之餘，還即場要求三位勇者剝衫晒肌，三人除爽快照做，還大擺晒肌甫，令五位女神同場陷入尖叫，Roxanne 更肉緊至捉實 Mandy 手仔興奮喪笑！

三位勇者雖然望落大大隻，但位位都是「鐵漢柔情」，Alan 抱起尖叫不斷的 Amber 時，柔聲地叫她「放鬆」的同時，還小心翼翼地將 Amber 交到接力的 Oswald 手上。至於阿朗，則揚言「唔會畀 Amber 受到傷害」，到底三位猛男誰人最後可成功打動 Amber 芳心？除了粉紅及面紅心跳場面，今集還會淘汰 4 名求愛勇者，更令人意外的是，原來五位女神亦有機會隨時被淘汰，想知玩法係點？就要留意周日播出的新一集《女神 2》。