第七集《女神配對計劃 2》中，12 位求愛勇者與五位女神何沛珈（Roxanne）、阮嘉敏（Mandy）、陳若思（Amber）、俞可程（Kanis）、郭珮文（Juliana），及 2 位隱藏女神梁超怡（Chiuyi）及陳星妤（Yvette），將挑戰刺激感及粉紅氣泡泡滿滿的「心跳」主題考驗，女神們與求愛勇者將經歷一場超近距離的「心跳回憶」。
極尷尬三人同車
為搞搞新意思，5 位女神將與有好感求愛勇者，齊齊坐製作組安排的車出發前往今次拍攝現場，當中最有趣的，是由於 Roxanne 及 Kanis 之前都揀了方智弘（Oscar），結果就出現「三人同車」經典黃金畫面，氣氛極度爆笑尷尬。三人上車的順序是 Kanis 、 Roxanne 及 Oscar，當 Kanis 見到上車的竟是 Roxanne，她即大呼尷尬。「好尷尬呀，即係我哋要兩個女仔，加一個男仔同一架車。」而 Roxanne 則大方主動了解，Kanis 與 Oscar 的發展進程。 Roxanne 說：「我想同你傾吓偈，想知你到底係咪非佢（Oscar）不可，或者愛佢愛到揀唔到第二個喇？」對此，Kanis 坦言其實仍在觀察階段。「都要再多啲時間相處吓，有冇興趣了解多啲就一定有，但係咪非佢不可，放棄晒所有人，又未去到呢個程度。」
小學雞式鬥嘴
而最後登車的 Oscar，當見到車廂中既有 Kanis，又有 Roxanne，亦嚇了一跳。雖然表現勁尷，但還是勇敢地提出「公道坐法」。「我坐中間咯」、「嘩！搞啲咁嘅嘢」、「開心驚喜刺激！」由於不知如何打開話題，三人一度陷入 Dead air，極度尷尬的三人最終爆笑收場，Oscar 則乘機搞氣氛，並說：「好喲，鬥尷尬咯！」為了打破悶局，三人將話題扯到「染髮」上，豈料換來一輪「差別待遇」爭風呷醋事件，Roxanne 突然「火力全開」，搞笑地句句求 Oscar 關注兼捉錯處。「點解你唔讚我嘅？」、「點解你留意佢 IG 嘅」，最終事件演變成 Oscar 、 Roxanne 鬥嘴，Kanis 陪笑，事件亦意外令 Roxanne 與 Oscar 感情升溫，Oscar 表示：「當我了解多咗 Roxanne 之後，我會發覺原來佢好高冷，但係佢講嘢係好笑架喎，因為我自己又係好鍾意開玩笑，大家打乒乓波咁來回接笑點，係有畀 Roxanne 驚訝到嘅。」Kanis 亦大方指 Oscar 與 Roxanne 好夾，「我覺得佢哋嘅互動都幾搞笑，都幾啱傾嘅，我就覺得可能佢哋都幾夾。」
兩大癡心情長劍
Roxanne 與 Kanis 被安排近距離爭仔，吳旭東（東東）及譚梓樂（Hepta）則隔空出招爭 Mandy 。雖然很多人都覺得東東勝券在握，但東東仍是竭盡所能討 Mandy 歡心，完全是「長跑型癡心男」。二人齊齊坐車出發前往場地時，東東刻意為 Mandy 送上企鵝公仔掛飾，成功令 Mandy 笑逐顏開。另一邊廂同樣深愛 Mandy，而且年期仲要有番咁上下長的 Hepta，雖然連與 Mandy 好好長時間相處的機會都還未遇到，但他一樣是竭盡所能為 Mandy 花盡心思。這天拍攝，他便為 Mandy 送上眼藥水，Hepta 說：「你鍾意一個人，佢同你講話佢鍾意嗰樣嘢，你就會記住下次想帶畀佢架啦。」原來 Hepta 一直都有為 Mandy 送上各式各樣的必須品，是一等一「絕世暖男」，Mandy 亦說：「佢成日送好多膠布、眼藥水呀，佢係行走嘅便利店，我真係諗唔到佢做漏啲乜。」
北美官方平台《女神配對計劃2》現已上架
美國及加拿大地區 · 無需訂閱