《羅密歐與祝英台》劇集三大必睇靚景曝光!

(2023 年 10 月 16 日)由陳維冠(Joe)監製、鄭成武編審的《位元堂養陰丸呈獻:羅密歐與祝英台》(以下簡稱《羅祝》),今晚(16 日)起逢周一至五晚 8 點半翡翠台播映,主要演員包括陳茵媺、陳豪、周嘉洛、游嘉欣、江美儀、蔣祖曼、鄭子誠、吳子冲、鄺潔楹及徐榮等。

為增加劇集電影感,《羅祝》劇組特意邀請了先後憑電影《胭脂扣》及《影》獲得金馬獎最佳美術設計殊榮的馬光榮(Horace)擔任美術總監,為劇集設計一系列別具特色的主場景。今日劇組率先發布《羅祝》三大必睇場景,分別是祝家、羅家以及祝家溫室。為了凸顯祝家及羅家截然不同的中、西式元素,Horace 分別採用了「木」及「鐵」作為兩大場景的基本美術概念,Horace 說:「我哋預設個故事喺香港發生,只係時空唔確定。祝家,我擺咗佢喺港島,全部以木同富有殖民地色彩建築嘅方式去構建,一來想表達歷史悠久嘅感覺,二來係想要中西結合嘅效果。祝家我主要以特首府邸為藍本,再用木去打造偏東方風格嘅簡約感,仲會有圓形、孤形同半月形等等多樣嘅線條予以配合,而門窗就偏向西式殖民地色彩嘅設計。」至於羅家,Horace 則將其置於九龍,並以「英國工業時代」為主要設計概念:「會有好多金屬同鐵器元素,例如貨櫃碼頭上面會有鑽油台。」

而以九龍城寨為設計藍本的約瑟之家,是 Horace 最鍾情、亦是最困難的作品之一:「嗰個景好密集,靠近頂部有個水管大廈,嗰度係少年梁山伯同祝英台首次邂逅嘅地方。因為成個時段會橫跨十幾年,佢哋會再喺嗰度重遇,係一個好重要嘅地標。嗰度嘅特色係有好多水管,有種舊荃灣工業區嘅感覺,梁山伯亦利用咗嗰度嘅水管以波子產生聲音嚟度向祝英台表白,我覺得幾有趣。」至於望落和諧又明亮的祝家溫室,背後竟是以垃圾膠袋建成,着實讓人意想不到,Horace 笑言:「個景本來唔係咁,原本係想做一個好似香港公園咁嘅溫室,但因為當時個 budget 連買植物都未必夠,我哋就改為用垃圾膠袋嘅膠布將天花板全部蒙黑,後面做個半月形嘅大窗,配以四幅灰色TVB道具牆身以及一啲山水傢俱等,再打啲強光落去,就會產生一個充滿東方色彩嘅結構;半月形嘅窗加埋黑色膠布嘅反光部分、望落去係一個 full moon。」

除了道具,每個角色的所有造型亦是經 Horace 用心打造,Horace 受訪時笑指觀眾除了追劇時要留意祝英台(陳茵媺飾)身上的所有細節位外,又指陳豪的西部造型設計其實有特別意義:「陳豪嘅襯衫背心造型再配對 boot,個感覺會比較吊兒郎當啲,我比較鍾意將角色同本身嘅名稱調轉嚟做(梁山伯予人感覺較中式)。同埋因為劇入面多槍戰,所以我覺得西部嘅設計可以帶出漫畫感,令到件事唔會太真實之餘,亦令陳豪呢個角色粗獷得嚟有啲特質。」Horace 最後更驚嘆 TVB 幕後同事效率奇高:「外面搭個景可能要十日,但 TVB 真係好叻,佢哋一個好複雜嘅主景,兩、三日內已經做到,我睇到係匪夷所思。佢哋有好完整嘅工作制度、完善嘅基本物料同資源,好多嘢外面絕對做唔到,同埋費用會高好多。」

訂閱我們

輸入您的電郵地址訂閱 TVB「娛聞樂」速遞!

發佈留言

發佈留言必須填寫的電子郵件地址不會公開。 必填欄位標示為 *