當「暖男歌手」吳業坤 遇上「情歌王子」胡鴻鈞，一定會為多倫多嘅夜晚，添上一份浪漫又溫柔嘅氣氛。 16 年嘅兄弟情，互相陪伴大家走過人生高低起跌。不知不覺，佢哋嘅歌聲，亦陪住樂迷一齊成長。 

坤哥嘅《原來她不夠愛我》，會聽到當初青澀少男面對愛情嘅心痛；到《陽光點的歌》重新振作，學識用笑容鼓勵自己；再到《原始心態》，慢慢明白長大之後，保持初心原來一樣重要。 

而 Hubert 嘅歌，就由《化蝶》入面嗰份至死不渝嘅深愛開始；到《遙不可及》，就唱出有啲人同事始終只能放喺心入面嘅感慨；好彩去到最後，《謝謝你的應援》提醒我哋，無論情況幾壞，身邊總有人默默撐住你。 

今次，兩位好朋友再度合體，帶住最真摯嘅「Kwan」式浪漫，用一首首耳熟能詳嘅情歌，交織出專屬於大家嘅《Kwan-derful Moments》。而你，又會想同生命中邊位重要嘅人，一齊感受呢份久違嘅浪漫同成長？ 

🎟️ 約埋你重視嘅人，一齊創造多一個難忘 Moment 啦！