今個星期日（2 月 15 日）播出的一集《中年好聲音 4》來到「70 強一對一 PK 賽」最終回，上回合憑超似古巨基靚聲、掀起全城熱估藝人身份的「企鵝人」，今次選唱陳奕迅歌曲 〈綿綿〉，獲肥媽讚輕描淡寫用感情唱歌，張佳添更指「企鵝人」完美示範 less is more，能很輕鬆、很舒服地將憂憂情感散發出來，令大家陶醉在浪漫氛圍之中。
報稱餐飲管理諮詢顧問的林靖枝選唱張敬軒的 〈靈魂相認〉，他自爆原來早已認識軒仔，更曾獲對方讚許。「軒仔話『你唱得好要堅持落去！』咁我就再撐一撐啦。」周國豐讚林靖枝比上次進步好多，似變了另一個人，令大家耳目一新。谷婭溦則讚林靖枝揀啱歌，甫開聲已進入歌曲的感情。
身為「中 4 顏值擔當」的陶枳樽跳唱 〈你為了愛情〉，其誘人舞姿加上電眼，將女性媚態發揮得淋漓盡致。張佳添睇到露出享受笑容，肥媽即指着他說：「你睇吓佢睇到幾興奮！」想知張佳添睇到咁開心又會唔會撳燈？記得周日晚睇《中年好聲音 4》。
