本周日（2 月 8 日）播出的《中年好聲音 4》第 11 集，將有「70 強一對一 PK 賽」第 3 回，選手賽出場次序由抽籤決定，並由 5 位評審肥媽、海兒、周國豐、張佳添及谷婭溦（溦溦）即場畀燈評分，得到 5 燈者可直接晉級，0 至 2 燈選手直接被淘汰；獲得 3 至 4 燈選手則需透過與其他尚未出戰選手一對一 PK 爭取晉級機會。
羅陽獲封「譚輝智 2.0」
今集娛樂性及氣氛必定爆燈！來自北京的 43 歲音樂製作人羅陽，穿上皮褸紅褲跳唱 〈愛火花〉，胖嘟嘟身形加上可愛舞姿，5 位評審睇到賞心悅目，肥媽笑到喊之餘，海兒更笑到肚痛。事後車婉婉模仿羅陽「夾住雙腳」，笑指他跳「夾夾舞」，羅陽尷尬笑稱獲旗下男團幫手排舞，只是自己跳得比較差。
笑到喊的肥媽邊流眼淚邊說：「佢好有自己個人風格，條紅褲冇得頂！」並為羅陽平反不是「夾夾夾」，並說：「嗰啲係舞步嚟㗎！」周國豐則稱很佩服羅陽豁出去的心態，「羅陽用咗慢歌方式唱快歌，就變咗『夾夾夾』咯」，並搞鬼地召喚「中 2 舞王」譚輝智與羅陽鬥舞！
5 燈選手吳亦偉再獲好評
同樣報稱音樂製作人的 43 歲吳亦偉首輪奪得 5 燈，今次選唱 〈冷水澡〉 。穿上紅色外套的吳亦偉非常 Sharp 醒，加上揮灑自如的演出，獲肥媽激讚似做騷不似比賽。「佢一開始已舉手叫人拍手掌！有啲人炒完麵，掟去對面街再接，佢就係嗰種。」張佳添說：「佢好願意、樂意同觀眾建立 connection，尤其是去到下半首你開始將熱度帶得更起，你嘅力量不斷遞升少少，我都開始畀你感染咗。」周國豐亦讚吳亦偉演出帶動全場氣氛，可塑性高。
「白羊君」唱出男性味道
藝人代表「白羊君」選唱 〈趁早〉，其震音雖近乎完美，但惹來評審們兩極評價！張佳添說：「當震音變咗策略同機械化，就會冇感情，但你唱到後面愈唱愈好。」海兒亦說：「你習慣咗震音，要改改佢。不過呢首歌的確好難，你都可以唱到咁有中氣，係值得嘉許。」周國豐則激讚：「你唱得好爽！你係完全做到呢首歌嘅男性味道。」