主頁 Home TVB周刊 《仔仔一堂》「王浩信2.0...

《仔仔一堂》「王浩信2.0」Louis取消關注「可愛兜風耳」HoHo?

分享 Share

(2022年11月30日)由王賢誌(Vinci)監製及主持、一連二十集的J2全新綜藝真人騷節目《Lightmac醫美集團邁向20週年呈獻:仔仔一堂》(Boyscation),逢周一至五晚十點半J2(82台)播映。以「絕不歧視愛情」為中心思想的《仔仔一堂》,找來十名外型、學歷及事業等條件不俗的仔仔參與拍攝,在Vinci帶領下透過比賽、朝夕相處及參與不同任務,增進彼此間的交流及感情;觀眾亦能透過十位仔仔的溫馨有趣相處,及製作組設計的特別事件,更深入了解性小眾如何衝破障礙、獲得親友諒解及支持,並如何透過「愛」建立信心,達到忠於自己—「勇敢去愛」。

今晚10位仔仔要初次選出有好感的男仕。

經過兩集熱身,今晚(30日)真人騷開始進入戲肉,開始第一次投票選「最佳初次印象」的仔仔。Andrew投票給Louis話覺得對方係「幾serious嘅人、professional同cool,幾型喎。」不過Louis的選擇卻是Ray,覺得他「夠charm、開心」,所以selfie時也揀了跟Ray合照。Kenny表明不會揀靚仔,他的理由是︰「唔會揀好靚仔嘅人拍拖,冇安全感,其實我缺乏安全感。」投票完畢那一位仔仔會得票最高呢?今晚《仔仔一堂》會有答案。

Ray同Louis自拍。

今集10位仔仔會接受第一個任務,不過開始之前主持人Vinci「抽出」兩位私下約會的仔仔,原來是Juzco同Ray,更有相為證,他們解釋是相識已經幾年,今次借拍攝機會約出來見面,Vinci亦好大方話︰「我冇話唔畀見,不過你哋啲解釋同尷尬,有啲奇怪啫。」稍後他們會分成兩組外出買餸煮飯,不過臨行前又出現小插曲,HoHo表現嬲嬲豬,原來他心目中的男神Louis「unfollow」自己的IG。最後查明原因,只是小學雞事件。事緣Louis一早關注了HoHo,因為對方遲遲未有關注自己,因此Louis嬲嬲豬之下取消原先的關注,最後證實誤會一場。

Juzco同Ray背住製作組私下約會。
因為一個搞笑理由,Louis取消關注HoHo。

今晚10人分成兩組,由Louis同Andrew擔任隊長,每隊有500蚊飯錢煮一頓「Come out」餐招呼Vinci。Louis一隊招攬了「型男主廚」Kenny,所以隊名都霸氣過人叫做「廚神隊」,到底他們煮的五道菜加一道甜品的菜式,如何包含甜酸苦辣,可以五味雜陳?而Andrew帶領的「廚餘隊」是否有力一戰?繼續留意《仔仔一堂》播出。

廚神隊有「型男主廚」Kenny坐陣。
Juzco構思的菜名「出櫃蔥油雞」很有意思。