主頁 Home TVB周刊 12.5首播《輕.功》,《...

12.5首播《輕.功》,《老表》黃金幕後班底打造「輕功人生課堂」

分享 Share

(2022年11月25日)由黃偉聲監製,龍文康擔任編審的《輕.功》,將緊接台慶劇《超能使者》,逢星期一至五晚九點半翡翠台播放,演員陣容包括黎耀祥、龔慈恩、蔣祖曼、朱晨麗、朱敏瀚、鄭子誠、歐瑞偉、韋家雄、寶珮如、王綺琴及楊卓娜等。

蔣祖曼、朱敏瀚飾演黎耀祥嘅子女。

被選為《2022年香港國際影視展》推介劇集之一的《輕.功》,幕後班底不容忽視,無論是監製聲哥或是編審龍文康均為「言情」高手,二人更是《老表》系列黃金組合。聲哥除了是《學警》及《老表》系列,亦是去年叫好叫座台慶劇《換命真相》監製,至於龍文康參與過的電影編劇作品則包括《門徒》、《野.良犬》等,而其聯合編劇的電影《樹大招風》,更榮獲第53屆金馬獎最佳原著劇本,及第36屆香港電影金像獎最佳編劇,實力不容忽視。

黎耀祥同龔慈恩劇中飾演恩愛夫婦,一個面對「喪偶」,一個要就面對「離世」,佢哋究竟點樣做到釋懷同放下?

《輕.功》故事講述一代當紅女星繆妙(龔慈恩,公仔飾),下嫁前武師洪十一(黎耀祥飾)後息影,並專心相夫教子,兩公婆多年來人前人後均表現恩愛。劇集一開始,繆妙便因患病時日無多,在倒數的日子,十一竭盡所能、強忍傷痛陪伴積極抗病的愛妻走完人生最後旅程,其間更與一眾好友落力為繆妙完成「飛」的心願…「輕功」就是一種學懂放「輕」自我的人生「功」課,像是劇中男女主角黎耀祥及龔慈恩,一個要面對「喪偶」,一個要面對「離世」,兩個都是人生重要課題,尤其面對「喪偶」的十一,日子還是要繼續,他最終又如何學會釋懷及放下?

祥仔內心戲多考演技日前《輕.功》釋出首個劇集宣傳片,以「100個人,100種共鳴」作宣傳重點口號,配以黎耀祥充滿感情的VO「放輕自己,做人唔再咁執著」及「輕功係一種活得自在嘅生活態度」,為一連二十五集的「輕功人生課堂」揭開序幕。近年維持一年一劇的祥仔,是次角色再見突破;由於劇情發展偏向生活化、沒有太多戲劇性元素,但隨著發人深省的人生哲學式對白,無論劇情或是人物性格自然流暢,對於演員演技自然是大考驗。而祥仔這次除了要應付內心戲,更要飾演比自己真實年齡成熟的角色,難得他全程均演繹得入型入格,大大增加了劇集真實性。

公仔最愛白色古裝至於出名保養得宜的公仔,是次不但要飾演病重的繆妙,現年59歲的她更要分飾年青時風華絕代的繆妙,公仔受訪時感激監製和編劇為她創造這個角色:「繆妙係我從演以嚟最討好嘅角色,喺佢死咗之後仍得到好多人嘅愛,呢樣好難得。至於劇裏面演後生版要經過好多團隊嘅幫忙,包括攝影、燈光、化妝、後期製作等,好多謝大家幫我塑造呢件事。」

兩人仲會齊齊吊威吔。

公仔特別感激祥仔鼓勵她放開去演:「我有啲古板啲嘅觀念,一把年紀要演啲比較恩愛嘅場口,唔係好放得開去做,好多謝導演同祥哥一直鼓勵我放開去演,同埋依家年代唔同,喺街上好多退休夫婦都好Sweet,其實不論咩年紀,兩夫婦都應該去互相痛愛對方,呢個先係正確嘅態度。」談到劇中有不少古裝造型及吊威吔場面,公仔笑言從不抗拒吊威吔:「不嬲都覺得幾好玩,反而擔心某啲動作做得比較笨拙,始終依家年紀大未必做到佢哋要求,但今次表現都OK。」公仔續透露最愛白色系的古裝:「我幾鍾意演古裝,以前試過喺幾個月內演晒人、鬼、神三種唔同古裝角色,仲要同一時間都係着白色衫,感覺都幾特別。」

其他演員嘅演出同樣值得關注,睇呢張相就知大家合作得相當愉快啦