主頁 Home TVB周刊 台慶劇《下流上車族》鮑起靜...

台慶劇《下流上車族》鮑起靜演活投訴王+老小三 孖林敏驄上演公屋爭奪戰

分享 Share

(2022年10月12日)由關文深監製、朱鏡祺及劉小群擔任編審的無綫台慶劇《下流上車族》,將緊接《夢華錄》,一連二十集由10月17日起逢周一至五晚八點半翡翠台播映,演員陣容包括林敏驄、江美儀、鮑起靜、郭柏妍、羅毓儀、鄧智堅、林穎彤、關曜儁、丁子朗、袁文傑、朱凱婷、林景程、黃嘉雯等。

鮑姐今次唔做慈母,變成投訴王加老小三,演出絕對令大家有驚喜

《下流》除了「鬼才」林敏驄處男拍劇值得注意之外,金像獎影后鮑起靜的精湛演出亦是劇集焦點所在。鮑姐今次一改「慈母」形象,飾演性格古怪的獨居老人兼「投訴王」閔謝毓霞,驚喜十足。閔老太除了是「投訴王」,亦是阿驄飾演的車志明的「哎吔阿媽」,當年車志明爸爸為了她拋妻棄子,遭志明稱呼為「老小三」。談到車志明與閔老太的「冤」緣,是落錯車14年的志明一直未能上番車,太太莫雯慧(江美儀飾)又憶樓成狂,為圓上車夢志明把心一橫認「老小三」閔老太為母,意圖騙去閔老太的公屋單位,展開一場有笑有淚有反思的公屋爭奪戰。

林景程喺劇中飾演鮑姐親生仔,兩母子關係緊張

親生仔「要狗唔要媽」

表面惡死睖瞪的閔老太其實內心相當脆弱,親生仔家寶(林景程飾)不但「拋棄」她移民日本,更「要狗唔要媽」企圖帶走閔老太心靈唯一寄託—愛犬次郎,令「人又老、狗又冇、阿仔又走佬」的閔老太景況十分可憐。官方日前釋出以鮑姐為主角的預告片,片中所見鮑姐與林景程爆發爭執,林景程怒吼:「你個人固執、自私、野蠻,我係你個仔都唔想同你住呀!」鮑姐則一面傷痛強忍淚水,之後片段拋出鮑姐旁白:「阿仔走咗,我兩個老公走晒,所有嘅人都整定會離開我嘅。」聞者心酸。

林景程「要狗唔要媽」,真係咁衰仔?

阿驄與「哎吔阿媽」鮑姐合作亦擦出不少火花,且過程輕鬆又愉快。出名鬼馬的阿驄在社交網上載爆笑花絮片,片段所見穿上病人服的鮑姐躺在病床上,郭柏妍、羅毓儀則緊張地問候情況,此時阿驄突然無厘頭爆肚:「醫生話佢走咗、護士就話佢醒番,我都唔知信邊個好。」面對阿驄「突襲」,羅毓儀明顯招架不住「焗蟹」爆笑,郭柏妍則無奈苦笑,非常過癮。最愛搞搞震的阿驄,除了爆肚又手多多,一時無厘頭揭開鮑姐被子叫護士幫她換尿片,一時又拎着水壺笑言要幫鮑姐沖牛奶浴,搞到躺在病床上的鮑姐笑個不停,拍攝氣氛相當愉快。

鮑姐任「驄」魚肉,真係勁爆笑