主頁 Home TVB周刊 《破解讀心理》松明教你擺脫...

《破解讀心理》松明教你擺脫「控制狂」

分享 Share

(2022年8月30日)J2 (82台)每周一至五晚10點半,播出由心理治療師松明、黃庭鋒、陳聖瑜主持的節目《破解讀心理》。上一集高海寧(高Ling)、陳煒(煒哥)、姚子羚、梁凱晴同張寶兒擔任嘉賓,接受松明的心理測驗,搵出誰最易被操控,想不到居然是外表堅強、硬淨的煒哥。

昨晚(8月29日)播出一集,松明再做心理題目測試,找出「誰是操控狂」。他話操控狂目的不外乎三種︰滿足自己利益、透過人際關係操縱,獲得權利感同優越感,又或者是單一迷戀操控的感覺。

松明問了5條問題,包括︰「在所述四位男仕中,找出操控者」、「邊一種場景,最易遇到操控者」、「在4位追求者入面,揀出一位你認為是操控者」、「邊一句台詞操控性最強」及「以下邊種行為嘅操控嫌疑最大」,每題都會提供4選一答案。選中正確答案會有一分,分數越高操控狂傾向越大。最後煒哥得零分,高Ling同姚子羚得分最高,成為操控狂雙冠軍。


高Ling自言看了很多書,現在較過往清醒︰「以前成日講『冇所謂』,原來你講得多,啲人真係以為你係『冇所謂』。但係而家我已經唔再係,我開始搵到自己想要啲乜嘢。清晰認識自己多啲、知道自己方向,我就唔會畀人操控到。」

松明講到要擺脫操縱,首先是學會抵制︰「第一唔畀佢得到想要嘅,第二完全脫離同操縱者嘅關係。其實被操縱者唔應該再諗點去改變操縱者,節目中松明為各嘉賓寫一份讀心報告。各人收到報告後,都大讚松明「分析」正確,準確度達9成。不過謎底揭開,其實她們收到的「報告」都是一式一樣。松明話今次是用了引導術,所謂分析只是從星座書入面抄來。他引證了相士、算命師去運用,令你代入了他的說法去行事或者生活。

另外,今晚(8月30日)《破解讀心理》請來袁偉豪、陳山聰、胡諾言、羅天宇同余德丞,一連兩集擔任嘉賓,講一下「男人的危機」。一開始他們會接受願望遊戲,在「工作」、「愛好」、「健康」、「金錢」同「家庭」排序。松明先挑戰陳山聰,打算估他的選擇。結果當然是陳山聰敗陣,原來他被自己一個小動作出賣,到底係咩呢?接住就係袁偉豪,他亦被身體小動作出賣。跟住各位嘉賓會上台講一段經歷,當中又會有真、有假,原來每個人講大話的時候,身體都會有不自覺的反射,松明就憑這一點完勝「大話精」。今集另一重點是松明會用一條FBI設定的問題,就可以試到你有幾陰險。

而明晚(8月31日)一集,松明繼續運用FBI的心理測驗,搵出你潛藏內心的性格,問題係假設「在珠寶店購物時被打劫,你被捉咗做人質,直到晚上劫匪飲酒慶祝,你覺得會發生咩事?」分別有4個答案A.劫匪飲到開心之際,開始虐待你,B.忘記了你的存在,C.劫匪將食物給你,D.你和劫匪一齊飲、一齊食玩得好開心。每個答案都代表不同人格,你會點揀?又代表乜嘢呢?臨尾5位男仕會應松明要求扮鬼扮馬,原來是借機會幫他們釋放壓力。