主頁 Home 星星問 拍攝〈真心不變〉MV 和風...

拍攝〈真心不變〉MV 和風譚嘉儀 有胞兄加持

分享 Share

譚嘉儀日前為劇集《大醬園》主題曲〈真心不變〉拍攝MV,嘉儀:「導演聽完首歌之後,覺得歌曲編排好特別,結果想出了一個前世今生嘅故事,因為收到個寶盒,繼而發現咗自己前世嘅一個公主身分,仲有一段感人嘅愛情故事。」
今次應導演要求,嘉儀喺MV入面演繹咗兩個不同嘅日系造型,完全滿足了鍾意挑戰新嘗試的性格,嘉儀:「穿和服喺之前去日本拍攝旅遊節目嘅時候已經試過,今次喺香港搵咗一間好專業嘅和服公司幫手,加埋拍攝地點喺一個叢林,就好似自己置身咗喺日本郊區嘅感覺,仲要加埋黃昏日落景色,成件事好靚,自己都忍唔住係咁影相留念。」
另一個日系rock妹band友造型,嘉儀仲找來親哥哥 Alan幫手客串演出,嘉儀笑說:「哥哥一直都無限量支持我,由之前嘅作歌編曲,到跳出幕前上節目合唱,今次更加幫手一齊拍MV,先發現其實佢好有做幕前嘅潛能,完全係chok過我,搶晒我鏡仲好enjoy添!」

嘉儀於〈真心不變〉MV中有個日系rock妹造型,仲搵咗親哥哥Alan(右二)客串!
嘉儀的日系rock妹造型,配合服飾化妝可謂入型入格。
MV故事中,嘉儀得到一個寶盒,發現自己前世公主身分。
〈真心不變〉MV於一個叢林中拍攝,配合日落景色拍出來畫面特別有feel。